Allergy kisi padaarth ke prati kisi vyakti vishesh ki badli hui pratikriya shamta hai, jis ke liye aam insaan us padaarth se lakshan ubharne ki seema tak samvedansheel nahi hota. Homeopathy mein anya rogon ki chikitsa ki tarah is rog ka nidaan bhi rogi ke lakshano ke anusaar hi kiya jata hai.

1. Puraani sardi khansi, subah sawere zukham badhe, nahane ka mann naa kare, rogi ko thandi hawa acchi lage. Nahaane se rog vridhhi – SULPHUR 200 Or 1M (aavashyakta anusaar)

2. Psorinum ke lakshan : Sulphur ke samaan hai par Psorinum ka rogi sardi bilkul sehen nahin kar paata. Sraw bahut hi badboodar hota hai. Sulphur mein bhi badbudaar hota hai par itna nahin jitna Psorinum ka hota hai – Psorinum 1M (aavashyakta anusaar)

3. Sardi ke kaaran aankh naak se lagataar jalan-yukt sraw jo garmi se ya kamre ke andar badhta hai, rogi khuli hawa mein accha mehsus karta hai – Allium cepa 30 ( din mein 3 baar)

4. Sukhi thandi hawa lag kar achanak rog aane par, sir dard, aankhon se paani aur chheenk aaye, bechaini bhay aur bukhaar me – ACONITE 30 ( din mein 3 baar)

5. Chink aana, naak se zakhm kar dene wala sraw bahe, aankh aur naak mein jalan, bechaini, thodi thodi der mein thoda thoda paani peene ki iccha , bahut kamzori, sir dard, bukhaar, sabhi lakshan garmi aur garm cheezon ke upyog se kam hote hain – ARSENIC ALB 30 ( din mein 3 baar)

6. Chehra tamtamaaya hua, chamkeela laal, khaansi, zukham, gale aur sir mein dard, zara si thand lagne, yahaan tak ki baal katwane se bhi sardi ho jaye – Belladonna 30 or 200 (din mein 3 baar)

7. Purane jatil rog mein, jab theek se choose ki gayi dawa kaam na karen – Bacillinum 200 Or 1M ( aavashyakta anusaar)

8. Dhool, dhuan, sugandh, spray aadi se allergy, naak ki nali ka woh bhaag jo gale se upar hai uske samvedansheel ho jaane se chink aur naak band ho jaane ki shikayat ho aur phir khansi-zukham ho – Histamine 200 or 1M ( aavashyakta anusaar)

9. Dhool se shaam ke samay adhik naak bahe aur chink aaye, sir ke agle bhaag mein dard ho aur aankhon mein khujli ho – Justicia adhatoda Q or 30, 4-4 ghante baad.

10. Dhool se behad zukham, patla paani ki tarah ka sraw, naak ke pichle bhaag mein khujli – Solanum, lycopodium 30, din mein 3 baar

11. Vaccination ke ku-prabhav ke baad hua rog – Thuja 200 or 1M, aavashyakta anusaar

12. Dhool se saans ki takleef ho jaye – Pothos Foetidus 30 ( din mein 3 baar )

13. Phoolon ki gandh, perfume aadi ki gandh se sardi-zukham ho jaye – Ailanthus glandulosa 30 ( din mein 3 baar )

14. Motor gadiyon ke dhuen ya factories ke dhuen se sardi zukham ho jaye – Sulphurosum Acidum 30 ( din mein 3 baar )

15. Thand se ya Ac mein rehne se, jaise hi sharir thanda ho, sardi zukham ho jaye. Naak se gale mein gaadha, peela, gond ka sraw gire – Sumbul 30 (din mein 3 baar )