Bronchitis Ka Homeopathic Medicine In Urdu

0
58

Choti aur badi saans ki naliyon ya unki shleshmik jhilli mein soojan hone ko BRONCHITIS kehte hain. Bachhon aur boodhon ko yeh rog hone par adhik kathinaai ho sakti hai. Yadi iska karan lagataar bana rahe to yah rog purana ho jata hai.

Kaaran : Thand lag jana, adhik der tak geele kapde pehne rehna, bheeg jana, paseene mein hawa lag jaana etc.

Lakshan : Aalas aana, sir dard, aawaj baithna, halka bukhaar, saans lene me mushkil hona, khansi etc.

ROG KI PRATHAM AWASTHA

1. Achhe bhale swasth vyaktiyon mein achanak sookhi thand lagne ke kaaran bechaini ke saath thand, tej bukhar, dhadkan tej aur darr lagne me – Aconite 30 ( din mein 4 baar )

2. Ghargharahat wali khansi, saans lene mein takleef, chaati mein lagataar kasaaw mehsoos ho, chaati shleshma se bhari ho, parantu wah khansi ke saath bahar naa nikle, khanste-khanste ulti ho jaye, jeebh saaf ho, pyaas bilkul naa lage, lagataar michli aaye jo ulti hone ke baad bhi theek naa ho – Ipecac 6 or 30 ( har aadhe ghante baad araam aane tak dete rahen )

3. Nazla zukam, rogi achha mehsus na kare bechain ho, subah ke samay gili khansi ho –Sticta pulmonaria 6 or 30 ( din mein 3 baar )

4. Bhaari maatra mein patla, paneela aur jhaag-yukt balgum, gale ke nichle hisse mein gudgudahat ke kaaran khaansi aaye, khaansi thandi hawa andar lene se aur raat ko badhe – rumex 6 or 30 ( din mein 3 baar )

5. Vaayu gaman ke sabhi raaste khushk ho, najla jis ke saath chaati mein ghargharahat ho, dama ki khansi jis mein thandi hawa mein adhik balgum aaye aur saans ruke, garm kamre aur sir neecha kar letne se rog badhe, kamjor logon mein jab tej bukhar ho – Spongia 30 ( din mein 3 baar )

6. Ankhen laal, chehra tamtamaya hua, aur tez bukhar ke saath behoshi si, jalan-yukt garmahat mehsoos ho – Belladonna 30 ( din mein 4 baar )

7. Pyaas adhik lage, tez bukhar, muh sukhi hui, khaasne se chaati aur sir mein dard lage jaise ki sir phat jayega, sir dard hilne dulne se badhe, is liye rogi chup chaap leta rahe -Bryonia 30 ( din mein 3 se 4 baar )

8. Jab bukhar tez ho, paseena khoob aaye parantu koi aaram naa aaye, munh laar se tar, durganndh, jeebh par daant ke nishaan, jeebh moti ho jaye – Merc sol 30 ( din mein 3 baar )

9. Mausam badalte samay rog, khaas kar jab din mein zyada garmi aur raat mein thand ho – Dulcamara 30 ( 3 se 4 khuraak, har 3 ghante baad )

yadi upar di hui medicine se faayda kam ho ya bilkul bhi naa ho to Sulphur 30 ki ek khuraak de kar intezaar kare. Phir lakshan saaf hone par lakshan ke anusaar dawai den. Jin logon ko yeh rog baar-baar hota hai unhe tuberculinum 200 or 1M ki ek khuraak mahine mein ek bar kuch mahino tak deni chahiye

 

ROG KI SECOND AWASTHA

1. Jab thodi si thand se bhi rog badhta ho. Chaati mein ghargharahat ho aur naak se sraw ruk-ruk kar aaye – Hepar sulph 30 ( din mein 3 baar )

2. Shaam ke samay aur ulte haath ki taraf karvat lene se rog badhe, rogi karahe aur baat bhi na kar paye, gale mein dard, thanda peene ki ichcha ho, aur thanda pet mein jaane ke baad garm hote hi ulti ho jaye –  Phosphorus 30 ( din mein 3 baar )

3. Chaati mein ghargharahat, dheeli balgum bhari khansi magar balgum nikal nahin paata, jeebh safed – Antimonium tart 30 ( din mein 3 baar )

4. Jab upar di hui medicine se fayda na ho aur saans aur shareer thanda hote hue bhi rogi taazi hawa ya pankha chalwana chaahe, paseena, saans aur jeebh tak thandi ho – Carbo veg 30 ( din mein 4 baar )

ROG KI TEESRI AWASTHA

  1. Doosri awastha mein upar di hui medicine se fayda ho magar balgum poori tarah saaf na hua ho, pyaas aur swaad bhi waapis naa aya ho, aur rogi ko thandi hawa ki iccha ho –Pulsatilla 30 ( din mein 2 se 4 baar )

Biochemic medicine kali sulph 6x bhi aisi awastha mein achha kaam karti hai.

Bronchitis rog aksar Psora ya pseudo-psora ki wajah se hota hai is liye sulphur aur tuberculinum is rog ki pramukh dawa hain.

Loading...
SHARE
Previous articleSinusitis ( Sinus ) Homeopathic Treatment In Urdu
Next articleChronic Bronchitis And Homeopathy Treatment In Urdu
जनसाधारण के लिये यह वेबसाइट बहुत फायदेमंद है, क्योंकि डॉ G.P Singh ने अपने दीर्घकालीन अनुभवों को सहज व सरल भाषा शैली में अभिव्यक्त किया है। इस सुन्दर प्रस्तुति के लिए वेबसाइट निर्माता भी बधाई के पात्र हैं । अगर होमियोपैथी, घरेलू और आयुर्वेदिक इलाज के सभी पोस्ट को रेगुलर प्राप्त करना चाहते हैं तो हमारे फेसबुक पेज को अवश्य like करें। Like करने के लिए Facebook Like लिंक पर क्लिक करें। याद रखें जहां Allopathy हो बेअसर वहाँ Homeopathy करे असर।

LEAVE A REPLY

Please enter your comment!
Please enter your name here